Reali e tregon forcën dhe merr pozitën e liderit

Real Madrid ka fituar me rezultat të thellë 4:1 xhiron e dytë të La Ligas.

Ekipi i Julen Lopeteguit arriti të fitojë me përmbysje në udhëtim te Girona, në javën e dytë të kampionatit spanjoll.

Vendasit kaluan të parët në epërsi në këtë takim, në minutën e 17′ me anë të Borja Garcia.

Por, madrilenët arritën të barazonin me golin e Sergio Ramosit në minutën e 39′ nga penalltia, për rezultatin 1-1 në pjesën e parë.

Në pjesën e dytë, ‘Los Blancos’ shënuan edhe tri herë, me anë të Karim Benzema (52′, 80′) e Gareth Bale (59′).

Reali pas kësaj fitore është lider me gjashtë pikë pas dy xhirove.