Lutfiu: A do të dënohen Serbët si Shqiptarët

Kryetari i Këshillit Kombëtar Shqiptar z.Nevzad Lutfiu ka reaguar pas publikimit të fotografive me mbishkrime provokuse të Serbve lokal gjatë kremtimit të festës së Krishtlindjeve Ortodokse në qendër të qytetit në Bujanoc.

Ky është reagimi i plotë i z.Lutfiu

Më 28 Nëntor me rastin e Ditës së Flamurit disa të rinjë shqiptarë dhuruan një spektakël në qëndër të qytetit, pa e provokuar askënd.
Për atë spektakël u dënuan nga policia.
Kurse në të njëjtën qëndër me rastin e festës fetare, të cilën serbet e festuan në vikendin që shkoj, disa serbë patën mbishkrime provokuese.

Përmes një shkrese do t’i kërkoj informacione stacionit policor se, a janë marrë masa ndaj këtyre personave.
Çfarë albanofobie e pashpjegueshme, që shfrytëzojnë edhe festat fetare për ta shprehur urrejtjen, turp!

Shfrytëzoj rastin, serbëve të cilët bashkëjetesën e shohin si vlerë t’ia uroj festën e Krishtlindjeve Ortodokse.