Gruevski kërkon azil politik në Hungari!

Ish-kryeministri maqedonas Nikola Gruevski u lajmërua nga Budapesti, ku kërkoi azil politik nga autoritetet hungareze.

“Unë jam në Budapest dhe kërkova azil politik nga autoritetet në Hungari”, shkroi Gruevski në profilin e tij në Facebook, raporton zeri.info.

“Unë do të mbetem gjithmonë besnik ndaj Maqedonisë, nuk do të heq dorë kurrë”, tha Gruevski, për të cilën autoritetet maqedonase lëshuan një urdhërarrest.

Gruevski kërkohet sepse nuk e ka përmbushur afatin për të vuajtur dënimin me dy vjet burg, për të cilin ai ishte dënuar në rastin e blerjes së një Mercedesi të blinduar.

Me fjalë të tjera, Gruevski dyshohet për tri raste të tjera të iniciuara nga Prokuroria Speciale.