Kryetari i Komunës së Bujanocit dhe i Partisë për Veprim Demokratik, Shaip Kamberi, dhe kryetari i Partisë Demokratike Shqiptare dhe ish-kryetar i Komunës së Preshevës Ragmi Mustafa, kanë vizituar Uashingtonin.

Në një bisedë të përbashkët në Zërin e Amerikës ata diskutuan për sfidat politike dhe praktike me të cilat përballet Lugina.

Përfaqësuesit politikë të Luginës së Preshevës thonë se me mohimin që u bën Serbia të drejtave të shqiptarëve, e vetmja alternativë për qytetarët e Luginës, mbetet bashkimi me Kosovën.

“Shqiptarët e Preshevës, Medvegjës dhe Bujanocit padyshim se me një përkushtim të jashtëzakonshëm pranojnë integrimin brenda territorit të Republikës së Kosovës”, tha Mustafa.

“Sigurisht se do të ishte varianti më i mirë që Lugina e Preshevës t’i bashkohej Kosovës, por megjithatë ne jemi lojtarë nga jashtë të cilët nuk mund të interferojmë në qëndrimin e kosovarëve sepse nuk mund t’i imponohemi Kosovës”, tha Kamberi.

Like 0
Më shumë artikuj të ngjashëm
Më shumë nga Wikiliks
Shfaq më shumë në Lajme
Kliko për të Komentuar