Nata e Shqiponjave në Rusia 2018

Zvicra ka arritur të shënojë fitore me rezultat 2-1 në përballje me Serbinë në ndeshjen e vlefshme për fazën e grupeve.

Nga minuta  e parë në fushë katër shqiptarë. Valon Behrami, Blerim Xhemaili, Granit Xhaka dhe Xherdan Shaqiri.

Lajme nga më të ndryshimet, duke nxjerrë certifikate të falsifukaura serbe, e lajme nga më të ndryshimet, për t’i ulur poshtë djelmoshat shqiparë.

Pjesa e parë e mirë me lojë, por jo me rezultat, pasi Serbia kishte shënuar për 1-0.

Por pjesa e dyti nisi me Granitin. Gjuajte e fuqishme, sikurse dhimbjet e tij dhe tregimet e babait për burgun.

Një shfryrje e tij në rrjetën serbe.

Festa. Shqiponja në pah. E kaluara, e tashmja dhe e ardhmja e tij. Në festë bashkohet edhe Valoni, pasi shqiponja duhet të valojë.

Kur të gjithë pritën barazimin, shqiponjat nuk e kishin kryer misionin.

Si të harrohej Xherdan Shaqiri. Ylli i madh shqiptar merr një top nga gjysma e fushës dhe me një vrap të shpejtë e mes pengesave të mëdha, ai shpërtheu dhe shënoi për ta gjunjëzuar Serbinë.

Festa e tij! Madhështore…. Shfaq shqiponjën dhe pastaj edhe muskujt, për të treguar forcën shqiptare ndaj tyre.

Aty bashkohet të gjithë, edhe Graniti e Valoni, por edhe Blerimi që e kishte lëshuar fushën më herët.

Faleminderit djema për një natë të paharrueshme, faleminderit që treguat kush jeni dhe nga vini.