Një vrasje e shumëfishtë dyshohet se ka ndodhur sot në Gjilan, dyshohet se pesë persona kanë humbur jetën

Një vrasje e shumëfishtë dyshohet se ka ndodhur sot në Gjilan.

Policia e Kosovës e ka konfirmuar se po dyshohet për vrasje dhe se njësitet e saj kanë arritur në vendin e ngjarjes, raporton Gazeta Express.

Në adresë të redaksisë janë dërguar fotografi dhe video nga vendi i ngjarjes.

Dëshmitarë nga aty i kanë thënë Gazetës Express se një nga viktimat dyshohet se është pjesëtare e Policisë së Kosovës.

Sipas burimeve të Indeksonline pesë persona kanë humbur jetën nga të shtënat me armë.

Madje sipas të njëjtave burime thuhet se personat që humbën jetën janë të së njëjtës familje.

Nga policia e Kosovës vetëm është konfirmuar se rasti është vrasje, por nuk janë bërë të ditura detajet./Indeksonline/