Pesë makineri te Kompanis “Saba Bellça” po pastrojn borën në gjith territorin e Komunës së Bujanocit(video)

Në Komunën e Bujanocit ka dy ditë rresht që bora vazhdon të bie me intensitet të lart.

Përkundër të reshurave që sot janë rritur edhe më tepër, komuna është duke bërë të pamundurën që levizja e qytetarëve të jetë sa më e leht.

Enver Ramadani kryeshef i zyrës për zhvillim dhe investim në komunën e Bujanocit, ka deklaruar se momentalisht pesë Makineri janë duke pastruar rrugët lokale dhe regjionale.

“Duke e pasur parasysh situatën që po mbretëron nga reshjet e borës kemi aktivizuar ndërmarrjet e kontraktuara për pastrimin e rrugëve në mënyrë që lëvizja e qytetarëve të mos ndërpritet. Momentalisht janë pesë makineri që po pastrojnë rrugët, duke filluar nga rrugët e qytetit dhe fshatërat përreth si dhe rrugët regjionale. Gjithashtu që  nga dje është dërguar makineria edhe në malësinë e Bujanocit dhe ka vazhduar edhe sot pastrimin e rrugëve për në Suharn dhe Novosellë” është shprehur Ramadani.

Ramadani ka kërkuar mirëkuptim dhe kujdes edhe nga qytatarët pasi që gjendja në teren po shkon duke u rënduar edhe më tepër.