PRESIDENTI HASHIM THAÇI THOTË SE EULEX-IT I KA ARDHUR FUNDI

Presidenti i Republikës së Kosovës, Hashim Thaçi dhe shefja e EULEX-it, Alexandra Papadopoulou në Kosovë kanë konstatuar se është finalizuar teksti i letërkëmbimit ndërmjet Kosovës dhe institucioneve të Bashkimit Evropian, që parasheh përfundimin e misionit të EULEX-it në Kosovë në këtë vit.

Ky vlerësim u dha gjatë takimit të sotëm mes tyre në Zyrën e Presidentit.

Presidenti Thaçi e ka falënderuar ambasadoren Papadopoulou për qasjen konstruktive dhe për bashkëpunimin e misionit të EULEX-it dhe të gjitha institucioneve të Bashkimit Evropian.