Serbët nga Kosova mund të votojnë në Bujanoc, Kurshumli, Rashkë dhe Tutin

Tanimë është zyrtare se zgjedhjet serbe të 3 prillit nuk do të zhvillohen edhe në Kosovë.

Kësisoj, Komisioni serb i Zgjedhjeve ka vendosur që votuesit serbë nga Kosova mund të votojnë në vendvotimet në Bujanoc, Kurshumli, Rashkë dhe Tutin

Vendimi është marrë pasi që serbët janë njoftuar se nuk do të mund të votojnë në Kosovë.

Komisioni në fjalë ka thënë se do të sigurojë të gjithë mbështetjen e nevojshme teknike në atë formë që votuesit nga Kosova të mund të arrijnë në qendrat e votimit.

Kujtojmë se ka pasur presion të madh nga ndërkombëtaret që të lejohet edhe votimit fizik në Kosovë në zgjedhjet serbe.

Sidoqoftë, një gjë e tillë është refuzuar nga Qeveria e Kosovës, kreu i së cilës, Albin Kurti, ka thënë se pala serbe ka refuzuar të kërkojë leje nga ta dhe të dialogojë për modalitetet e mundshme.