Probleme në Evropë dhe Amerikë, deklarohet Facebook

Disa përdorues të Facebook, Messenger dhe Instagram raportuan se kishte ndërprerje të shërbime të këtyre rrjeteve sociale gjatë ditës së mërkurë.

Dhe përmes një postimi, përcjell Telegrafi, Facebook shkroi se ishte në dijeni se “disa njerëz aktualisht kanë probleme në qasjen në familjen e aplikacioneve në Facebook” dhe se “po punonte për zgjidhjen e çështjes sa më parë që të ishte e mundur”.

“Ne jemi të fokusuar në punën për të zgjidhur çështjen sa më parë që të jetë e mundur, por mund të konfirmojmë që çështja nuk lidhet me një sulm DDoS (sulm kibernetik)”, është shkruar në një postim tjetër.

Ndërsa sipas Down Detector, problemet goditën përdoruesit e Facebook në Europë dhe SHBA.

Faqja e internetit tha se kishte marrë më shumë se 11,000 raporte të problemeve ku përfshiheshin ndërprerjet e përgjithshme, ankesat për vështirësi në newsfeed, si dhe vështirësi në kyçje.